自私的食客

剛過去的星期六，去大家樂食早餐，遠望過去全間大家樂都係人，幾乎滿座。與男友分開行動，他買早餐我找位置。

遠遠見到一個四人座位只有兩個人，行過去見到一個男士坐一邊，旁邊櫈上放了報紙，他正在揭報閱讀。另一邊 (斜對面) 坐了一個女士，手袋放旁邊坐位。估計他倆並不認識。

我：請問兩個位有冇人？
男士：(抬頭望一望我) 你坐第二度啦。
我：全間大家樂都係人，有位我唔過嚟啦。
男士好不情願拿開報紙。
我：(坐下) 咁多人食早餐，兩個人唔好霸四個位啦。
女士：收聲啦，咁多嘢講。

好嬲😠😠 明明是他們不對，霸著坐位，有需要都唔讓，還要鬧人！

起身去找男友，打算離開去另一地方食。
男友一臉茫然，直至聽到我重覆剛才的對話，他決定行過去再跟該對男女理論。

女士見我返轉頭坐低再鬧我：坐低啦咁多嘢講。
男友：大家食早餐做咩兩個人霸四個位呀？
女士：關你咩事呀？你咩人呀？
男友：我咩人？我香港人囉。兩個人霸四個位！
女士：全部人都係咁坐㗎啦！
男友：你望吓全間大家樂邊個好似你咁坐！咁多人都霸住個位唔比人坐。
全間大家樂望住我地，大家都知佢地霸住個位都在議論。

鬧完之後，男友與我就離開了。
好端端一個早上就要我倆動氣，自私的人！
如果當時有位，我唔會請你讓出旁邊無人坐的坐位。見到滿座仲要霸住個位仲要鬧人，不知所謂！