話說我有一個朋友, 有一晚返到屋企已經係夜深啦, 沖完涼之後佢就喺個大手袋到拎個電話出嚟义電, 之後就如常去搽cream, 唸住快d訓.....
突然間, 佢聽到si si sa sa嘅聲, 好奇怪, 因為冇開窗, 本來佢不以為然. 但係呢d si si sa sa聲持續, 當佢帶番個眼鏡.....
嘩.....
竟然有隻老鼠喺佢個袋伸咗個頭出嚟.....
我個朋友第一個反應緊係呆咗, 之後即刻去隔離房拍門話比細佬知 (好彩細佬喺屋企).....
佢細佬當然都好驚啦, 不過冇計都要解決. 佢就好快去我朋友間房熄咗燈先, 再9秒9去拉番個袋條拉錬. 之後好冷靜咁同我個朋友講: "等我處理!"
就係咁, 我朋友嘅細佬半夜兩點幾著住睡衣拎住個gucci袋行落樓下..... (我班friend全部聽到呢度都勁笑)
根據我朋友細佬嘅描述, 佢落到平台就打開條拉錬, 係咁踢個袋. 點知踢咗好耐隻老鼠都唔出嚟! 其間仲要有人經過平台, d人一定係唸條傻佬唔知係度做咩! 終於踢咗好耐好耐之後, 隻老鼠施施然行出嚟, 走咗!
好啦..... 點解我個朋友會帶咗隻老鼠返屋企呢?
因為每晚佢返屋企之前都會喺屋企樓下食煙, 嗰一晚佢放低咗個袋, 仲要咁啱佢個袋有一包開咗嘅牛肉粒!
當我朋友係個袋扲番d嘢出嚟, 包牛肉粒係濕晒架 ~~ @.@ ~~
呢個故事教訓我地, 千其唔好隨便放低個袋. 仲有, 買袋一定要有拉錬, 仲要無時無刻都拉實拉錬呀!
沒有留言:
張貼留言