電梯sensor事件

時間: 某日下午
地點: 一架窄長嘅電梯
人物: 我, 一對情侶, 兩個老伯伯

我企喺電梯最入嘅位置，近電梯口企咗一對情侶；電梯去到2樓，有兩個老伯伯入嚟，前面嗰個靠一雙拐杖一步一步行得好慢；嗰對情侶企喺度，又唔㩒開門掣又唔行入d，我衝出去㩒開門掣比伯伯入兼問佢地做咩唔㩒住比老人家入，個男人竟然答：『有sensor家嘛！』

你冇嘢呀！！！
『Sensor有時會失靈，電梯門柵埋撞到阿伯點算？』
男人冇反應，只係全程攬住佢個女人！
離晒譜！

我知道, 而家地鐡已經好少好少香港人讓坐啦, 因為大家都低頭沉迷玩電話; 反而有一次與爸媽搭地鐡, 當我地入到車箱, 有幾個講普通話嘅男仔一齊起身讓坐.
所以唔可以一竹篙打晒一船人話強國人唔好!
很多人歸咎是我們的教育出了問題，下回再跟大家分享另一故事！

致該對情侶, 你地都會有老嘅一日, 但我仍然希望將來會有人㩒住電梯比你地入去, 因為呢個係人應該做嘅事!