難過……

今日…… 係難過嘅一日……
一早返到公司，同事話姐夫自殺，她心痛家姐，不斷話姐夫自私！

問其原因，主要係情緒問題，亦因最近有急病！

我唔認識當事人，與同事關係亦只係普通，但聽到呢個消息都好難過心痛……

如果可以選擇，我相信當事人未必想離開親人朋友！可能好多人覺得，凡事應積極面對，總有辦法！但我唔係當事人，好難比意見或者作出結論！有時我覺得，結束生命甚至比繼續活下去更需要勇氣！

人生，其實要面對好多好多壓力！尤其係病者，除咗要面對經濟壓力，冇人關心時會覺得孤獨，有人關心又會覺得被憐憫！心靈痛楚可能比肉身所受嘅痛更甚！

總有人講，捱下捱下就過到啦！但又有冇人肯定明天真係會更好？所以，我唔反對安樂死，可能會有人覺得我唸得好灰，但如果可以選擇有專嚴地離開，總好過冇得選擇下痛苦生存！呢篇可能令人覺得消極，但純個人意見，情感舒發！

無論如何，希望同事家人振作！
亦時刻提醒自己，活在當下！