突發事情的應變

早一段日子，突然心血來潮，想考考外傭對突發事情的應變，問她如果家中老人家暈倒應怎處理？她竟然呆呆的望著我，沒有答話。以為她聽不清楚，再問一次，反應一樣，呆著沒作聲 >.< 當下我真係火都嚟，再問一次，加一句：「我唔係講笑！」她依然無反應！

咁我就唸啦，唔通佢唔明咩叫做暈咗？
再問佢：「你知唔知咩係暈咗？」
佢先答：「唔知！」
咁我就解釋佢知兼重覆以前同佢講過嘅：「唔明要問，你咁樣我唔知你唔明！」

解釋完之後，我再問：「要點做呀？」
佢答：「打比你地！」
我唯有再糾正：「先按平安鐘或者打電話報警，再打比我地！」

朋友試過家人於屋內暈倒，外傭竟若無其事繼續拖地，幸好有其他家人回家及時發現，否則後果不堪設想！

亦有同事試過丈夫突然在家中暈倒，她竟然打電話給哥哥，因為她記得哥哥學過急救，幸好她哥哥立即叫她報警！

所以呢，莫說是外傭，可能換著是我們遇到突發事情都未必懂得處理呢，是時候定時提醒，尤其如果你家中有老人家有外傭。